ಫೋನ್ ಕವಿತೆಗಳು

1.

ಬುಕ್ಕಿಂಗ್ ಸೆಂಟರ್ನಲ್ಲಿ
ಕೆಲಸ ಮಾಡುತ್ತಿದ್ದ ಹುಡುಗಿಯೊಬ್ಬಳಿಗೆ ಫೋನಿನಲ್ಲಿ
ಹೇಳಿದೆ :
ಹುಡುಗಿ ನಾ ನಿನ್ನ ಪ್ರೀತಿಸುತ್ತೇನೆ ಎಂದು.
ಅವಳು ತಕ್ಷಣ ಉತ್ತರಿಸಿದಳು.
ನೀವು ಸರದಿಯಲ್ಲಿದ್ದೀರಿ.

2.

ಎಸ್ಟಿಡಿ ಬೂತಿನಲ್ಲಿದ್ದ ಹುಡುಗಿಯೊಬ್ಬಳಿಗೆ
ಫೋನಿನಲ್ಲಿ ಹೇಳಿದೆ.
ಹುಡುಗಿ ನಾ ನಿನ್ನ ಪ್ರೀತಿಸುತ್ತೇನೆ ಎಂದು
ಅವಳು ತಕ್ಷಣ ಉತ್ತರಿಸಿದಳು
ಈ ಮಾರ್ಗ ಕಾರ್ಯನಿರತವಾಗಿದೆ.. ಸ್ವಲ್ಪ ಸಮಯದ
ನಂತರ ಪ್ರಯತ್ನಿಸಿ ಎಂದು.


3.

ಮೊಬೈಲ್ ಇದ್ದ ಹುಡುಗಿಯೊಬ್ಬಳಿಗೆ
ಫೋನಿನಲ್ಲಿ ಹೇಳಿದೆ.
ಹುಡುಗಿ ನಾ ನಿನ್ನ ಪ್ರೀತಿಸುತ್ತೇನೆ.
ಅವಳು ತಕ್ಷಣ ಉತ್ತರಿಸಿದಳು
ನೀವು ತಲುಪಲು ಇಚ್ಛಿಸುತ್ತಿರುವ ಹುಡುಗಿ
ತನ್ನ ಒಳ ಬರುವ ಕರೆಗಳನ್ನು ನಿಷೇಧಿಸಿದ್ದಾಳೆ.